organítate!

24 de xul. de 2017

[25 de Xullo] O noso camiño: a independencia da clase obreira



O partido comunista celebra este 25 de xullo como expresión do inequívoco carácter nacional do pobo galego, que os comunistas defendemos fronte aos ataques á súa cultura e identidade nacional. Nese sentido recoñecemos o dereito de autodeterminación como o dereito democrático á libre separación e á formación dun estado propio.

14 de xul. de 2017

Folga contra os abusos en PSA-Citroën.


Comunistas da Galiza-PCPE e os Colectivos da Mocidade Comunista (CMC) mostramos o noso apoio e solidariedade de clase coa loita dos traballadores e traballadoras de PSA-Citroën de Vigo, en folga contra os abusos patronais.

9 de xul. de 2017

Obreiro falecido en Rande (Vigo).


Unha vez máis a explotación cobrou unha vida obreira o pasadoo 5 de xullo nas obras de ampliación da ponte de Rande.

As condicións de sobreexplotación, xornadas de traballo de 12 horas -incluíndo domingos e festivos- e a falla de condicións de seguridade na obra están detras deste novo crime patronal que algúns insisten en coar baixo o nome de accidente.

5 de xul. de 2017

Este verán, organízate contra a explotación!


Os nosos traballos, con plenos dereitos.

Os nosos barrios, para a clase obreira.

O verán, lonxe do que poida parecer, é un dos períodos máis duros para a clase obreira e o pobo traballador, porque é o período en que se multiplican os contratos lixo e o traballo precario que nos venden como redución do paro.

O 92% dos contratos asinados en maio de 2017 para esta campaña de verán son temporais. En hostalaría, o 40% dos contratos son temporais, e deles, o 42% é a tempo parcial.

28 de xuño de 2017

Os gobernos da burguesía agochan e acosan aos pobres no canto de combater a pobreza.

En Vigo está a ter lugar unha acampada contra a pobreza.


Após 120 días, o alcalde de Vigo mandou retirar a tenda habilitada como cociña e que era máis visíbel de todas. Ante a negativa por parte da acampada, a policía local desmantelouna brutalmente sen ter en conta que alí tiñan alimentos.

Publicacións populares