Comunistas da Galiza-PCPE e os Colectivos da Mocidade Comunista
(CMC), diante da
convocatoria por parte do sindicato maioritario dos estibadores Coordinadora Estatal de los Trabajadores del
Mar, tamén convocada por CCOO, UGT,
CIG e CGT, chamamos a todo o colectivo de traballadores e traballadoras
portuarios e do mar a secundala e a toda a clase obreira a apoiar a súa loita.
Esta é unha
mobilización contra a imposición dun novo sistema de organización laboral dos
portos. Unha imposición á que nos levou a pertenza á Unión Europea. Unha
imposición coa que o Goberno español quere ter contentas ás grandes
multinacionais do transporte marítimo de mercadorías. Unha imposición que
pretende borrar dun plumazo os dereitos que o digno colectivo dos Estibadores
ganou tras décadas de loita ás súas costas.
Falamos dun colectivo de máis de 6000
estibadores nos portos españois. Un sector ao que o Capital internacional e
nacional quere dar un golpe de morte abríndoo á privatización. A entrada das
ETT no sector e o desregulamento dos
salarios son algunhas das primeiras consecuencias deste ataque frontal aos
dereitos dos traballadores e traballadoras da estiba.
Só coa loita consecuente e organizada do colectivo, só cuns comités de
empresa combativos e que canalicen as decisións adoptadas polas traballadoras e
traballadores organizados en asembleas, este novo ataque á clase obreira pode
ser derrotado. Sen as e os estibadores nada se move nos portos. Coa súa loita
decidida non se vai a aprobar ningunha rebaixa dos seus dereitos afectando a
miles de familias. Diante dun ataque desta magnitude, a resposta debe estar á
altura do momento histórico.
Novamente demóstrase que nunca a clase obreira saíu beneficiada cando
confiou nas promesas dos partidos burgueses, xa estean no goberno como na
oposición. Ningún dos gobernos hoxe posíbeis no Parlamento español vai a
cambiar este conflito no fundamental. Ao contrario, a Unión Europea seguirá coa
súa apisonadora se non é freada pola maior das forzas que pode atopar: Unha
clase obreira unida e organizada.
ESTIBADORES, NIN UN PASO ATRÁS!
NON É HORA DE ESPERAR, É HORA DE LOITAR!
SOLIDARIEDADE COS TRABALLADORES DA ESTIBA!