Dende o Partido Comunista dos Pobos de España e os Colectivos da Mocidade
Comunista, queremos alarmar do grave risco de desaparición que corre o
colectivo de obreiros da Estiba.
A situación que se xerou, tras suspender a folga, fixo que o goberno gañe
tempo e debilite o poder dos traballadores da Estiba, prometendo unha semana
máis para negociar a cambio de suspender a folga.
Pero o principal problema é que non existe marxe para a negociación xa que a Unión Europea (UE) quere que
se impoñan os seus ditados sexa como sexa e esixe ao goberno a cabeza dos
estibadores mentres que impón unha multa de 134.000€/día ata que aproben o
decreto. Quéreno todo, e todas as medidas e propostas que realicen irán nese
camiño. O capitalismo, nesta etapa concreta, necesita destruír ao colectivo
obreiro de estibadores, para incrementar os seus beneficios a costa do
traballo. O decreto de liberalización total da estiba é a aniquilación de todos
os dereitos laborais, a desregulación total mediante as ETT, desaparición dos
convenios colectivos, e por tanto, a lei da xungla nos portos que tanto desexa
a patronal e os monopolios da UE.
Como ben sinalaron algúns sindicatos da Estiba ao longo de todo o estado,
non só nos xogamos os postos de traballo. Aínda que se consiga situar a unha
pequena parte dos compañeiros nun posíbel acordo, calquera pacto irá no sentido
de aniquilar á Estiba, a desaparición dos seus dereitos, un paso fundamental
para destruír por completo o sector, sexa nun ano ou en tres.
Tombar o decreto imposto pola UE. A liberalización
é igual á morte da Estiba.
É por iso que esta loita se mostra a vida ou morte, e só unha resposta
firme e contundente poderá evitar que destrúan a Estiba. Hai que responder no
sentido no que xa se están pronunciando varios sindicatos do sector: Folga
Xeral até tombar o decreto e a liberalización, a través das asembleas de
estibadores e Comités de Folga.
A situación é tan límite que só cabe golpear a
través da folga xeral para poder deter o que parece xa inminente.
A Unión Europea, verdugo dos traballadores, xa conseguiu impor a liberalización total
en países como Bélxica, Italia, Grecia, Portugal..., demostrando que é un instrumento ao servizo
dos monopolios e o gran capital. Debemos coordinar a resposta internacional
xunto aos estibadores de Alemaña, Suecia ou Noruega, estibas que se están
mobilizando e que se enfrontan ao mesmo problema, paralizando o sector cunha
folga que golpee fortemente ao poder económico e os seus plans.
POLA DEFENSA DA ESTIBA, NIN UN PASO ATRÁS!
FOLGA XERAL CONTRA A LIBERALIZACIÓN E O DECRETO.
UNIÓN EUROPEA: VERDUGO DA CLASE OBREIRA E OS SEUS
DEREITOS.
POLA SAÍDA DO EURO, A UE E OTAN!