Unha vez máis a
explotación cobrou unha vida obreira o pasadoo 5 de xullo nas obras de
ampliación da ponte de Rande.
As condicións de
sobreexplotación, xornadas de traballo de 12 horas -incluíndo domingos e
festivos- e a falla de condicións de seguridade na obra están detras deste novo
crime patronal que algúns insisten en coar baixo o nome de accidente.
Os compañeiros do
obreiro falecido falan do interese que tiña o seu compañeiro morto na
necesidade de organizarse sindicalmente á vista dos terríbeis e riscos e
condicións de traballo que finalmente desembocaron neste fatídico desenlace.
A quen cuestione
o importante papel que a organización sindical como ferramenta de defensa das
condicións de traballo e mesmo en situacións e contextos como este ao que nos
estamos a referir, no que se pon en xogo a supervivencia dos traballadores e
traballadoras, convén lembrarlle que de terse prestado atención ás reiteradas
advertencias que desde CIG-Construción se fixeron alertando sobre as condicións
extenuantes e altamente perigosas nas que se desenvolve o traballo na obra, tal
vez esta nova traxedia non tería ocorrido.
Dende Comunistas
da Galiza – PCPE chamamos á organización sindical dos traballadores e
traballadoras para a defensa dos intereses inmediatos, das nosas condicións de
traballo e das nosas vidas, e á organización política no Partido de clase que
remate dunha vez por todas cun sistema no que o máximo beneficio privado das
patronais vale máis que a vida dos nosos compañeiros e compañeiras.